الصويرة – هيلان
توفي رجل في الأربعينيات من عمره بداية هاد الأسبوع بمستشفى سيدي محمد بن عبد الله فمدينة الصويرة، متأثراً بحروق خطيرة من الدرجة الثانية، بعدما تعرض لحادث مؤلم كيقولوا شهود أن السبب ديالو هو سكب زيت ساخن عليه من طرف شخص آخر.
الضحية، اللي كانت حالتو حرجة بزاف، تنقل بسرعة لقسم الإنعاش، وتلقى الإسعافات الضرورية، لكن للأسف الحروق اللي تعرض ليها كانت عميقة، وما قدروش الأطباء ينقذو حياتو، فتوفى متأثراً بالجروح ديالو، الأمر اللي خلّى عائلتو ومعارفو يعيشو صدمة كبيرة.
وفور علمها بالحادث، دخلات المصالح الأمنية على الخط وفتحات تحقيق مستعجل تحت إشراف النيابة العامة، باش يعرفو ملابسات الواقعة ويحددو شكون المسؤول الحقيقي، فحين من المرتقب يتم إخضاع الجثة للتشريح الطبي، باش يتم التأكد من السبب الدقيق للوفاة.
عائلة الهالك ما سكتاتش، وطالبت بتعميق البحث وكشف الحقيقة كاملة، خصوصاً إلى كاين شي دافع إجرامي وراء اللي وقع، وباغيين يتم معاقبة أي واحد تبت تورطو.
الحادثة رجّعت للنقاش العمومي واحد الموضوع الحساس، اللي هو العنف الفردي وشنو ممكن يخلّف من مآسي، فانتظار ما غادي تسفر عليه التحقيقات الجارية، وتحديد المسؤوليات القانونية بشكل واضح.
